Skip to main content

Добредојдовте на Cvikeri.com - првиот и најдобар онлајн оптичар во регионот!

Cовети

Како да се избере рамката спрема обликот на лицето?

Одредете го обликот на вашето лице, а со тоа и соодветен облик на очила! Гледајте се себеси во огледало или на слика и споредете се со сликите подолу. Постојат 5 основни форми на лице:

1) ОКРУГЛО

okruglo lice

ОПИС: Вашиот облик на лице нема остри агли со тенденција да биде поширок во областа на јаготките и заоблено  вдолж линијата на  вилицата и челото. Должината е еднаква или приближно еднаква на неговата ширина.

НАЈДОБАР ОБЛИК НА РАМКА: Правоаголни, со нагласени агли.

ЗАБЕЛЕШКИ: НЕМОЈТЕ да изберете округла рамка.

ЦЕЛ КОЈАШТО СЕ ПОСТИГНУВА СО РАМКАТА: Издолжено лице.

2) ОВАЛЕН

ovalno lice

ОПИС: Вакво лице има најправилен облик. Должината на лицето  е еднаква на 1,5 ширини, при што ширината на челото и вилицата се исти или приближно исти.

НАЈДОБАР ОБЛИК НА РАМКА: Било каков облик.

ЗАБЕЛЕШКИ: Изберете рамка којашто е широка колку и најширокиот дел од Вашето лице.

ЦЕЛ КОЈАШТО СЕ ПОСТИГНУВА СО РАМКАТА: Одржување на баланс на Вашето пропорционално лице.

3) ОБЛИК НА СРЦЕ

srcoliko lice

ОПИС: Обликот на срце или обликот на превртен триаголник се карактеризира со ширина во пределот на челото и јаготките, а потоа лицето постепено се стеснува спрема вилицата. Линијата на брадата кај овој облик, воглавно не е истакната, што значи дека врвот на брадата е често шпицест.

НАЈДОБАР ОБЛИК НА РАМКА: Округла рамка или рамка со поширок долен дел, или носете очила без рамки.

ЗАБЕЛЕШКИ: Изберете рамка со тесен мост на носот и нагласете ја рамката во долниот дел на лицето.

ЦЕЛ КОЈАШТО СЕ ПОСТИГНУВА СО РАМКАТА: Да се создаде складна пропорција на лицето со ширење на брадата и стеснување на челото.

4) ЧЕТВРТЕСТ

cetvrtasto lice

ОПИС: Се карактеризира со јако и широко чело со четвртеста вилица, при што челото и вилицата имаат приближно еднаква ширина. Обликот може да биде повеќе правоаголен ако е лицето потесно или повеќе четвртест, (облик на квадрат), ако лицето е пошироко.

НАЈДОБАР ОБЛИК НА РАМКА: Тркалезна, заоблена, овална рамка (на пр. Авијатичарски очила).

ЗАБЕЛЕШКИ: Издолжете го Вашето лице со рамка чијашто ширина е поголема од висината.

ЦЕЛ КОЈАШТО СЕ ПОСТИГНУВА СО РАМКАТА: Да се омекне Вашето лице од остри линии и да се издолжи.

5) ТРИАГОЛЕН

trouglasto lice

 

ОПИС: За триаголниот облик е карактеристично специфично  тесно чело и тесни јаготки, а лицето потоа се шири спрема вилицата. Вилицата е многу поширока од челото и обично има многу истакната линија.

НАЈДОБАР ОБЛИК НА РАМКА: Округли или "мачкасти" рамки (овални, некои четвртести).

ЗАБЕЛЕШКИ: Нагласете го горниот дел од лицето со рамка којашто има истакнат горен дел, или со полу-рамки. Изберете рамка со детали на линијата на веѓите.

ЦЕЛ КОЈАШТО СЕ ПОСТИГНУВА СО РАМКАТА: Намалување на ширината на брадата и истакнување на вниманието на горниот дел од лицето.

 

Како да го протолкувате вашиoт наод?

За да нарачате очила од нас потребно е да имате наод од очен преглед. Идеален би било да направите преглед на секои две години бидејќи диоптријата се менува, или секоја година ако сте на возраст над 70 години. После очниот преглед, Вашиот оптичар е должен да Ви го даде Вашиот наод, а Вие имате право да го побарате наодот. Доколку оптичарите се обидат да го оспорат ова право, запаметете дека сте го платиле наодот – и тој е Ваш! Кога ја знаете својата диоптрија, можете да купите очила по многу пониски цени преку интернет.

Како да го пополните образецот за диоптерот кога нарачувате?

Ви препорачуваме да го сликате или скенирате вашиот наод и да го внесете во полето коешто е за тоа предвидено при прегледот на производот. Во тој случај, вие не треба да го пополнувате образецот за диоптерот.

Во спротивно, следете ги следните упатства. Диоптрискиот наод не е тешко да се разбере. Еве како изгледа стандарден диоптриски наод:

izgled recepta

Што значат ознаките на наодот?

1. Првиот број ја покажува сферноста и ви укажува дали сте кратковид (-) или далекудвид (+) на секое око. Поголем број означува поголема диоптрија.

2. Ако имате астигматизам, и вториот и третиот број ќе бидат внесени во извештајот. Вториот број се однесува на "цилиндричност", којашто исто така може да биде позитивна и негативна. Тоа Ви укажува колкав е Вашиот астигматизам. 

3. Третиот број опишува ориентација на цилиндрични леќи и има вредност помеѓу 0 и 180 степени. 

Ако имате мускулна нерамнотежа во окото, полињата за призма и база ќе бидат пополнети. Призмата обично е запишана како дропка (на пример, 1 ½) а базата на призмата ја покажува насоката на призмата во леќата. Ова е доста ретка ставка. 

Вие би требало да го прашате Вашиот оптичар за растојанието помеѓу зениците (ПД).

Забелешки:

- ознаката "план" значи дека не постои диоптер (може да се случи да имате ознака "план" за сферност, но сепак да биде запишана вредност за цилиндрите и "axis")

- ако вашaта диоптрија е посложена, ќе треба да ни го испратите вашиот скениран (или насликан) наод за да можеме да ве услужиме

- aдиција ( "add") се пополнува само за бифокални или прогресивни стакла (стакла, коишто се истовремено и за далечина и за блиску). Ако има само една вредност за адиција (ADD), тогаш тоа се однесува и на двете очи.

- ако Вашиот рецепт содржи неколку видови на адиција (inter ADD near ADD), ќе треба да ја внесете својата скенирана диоптрија, за да можеме да Ве услужиме.

Како да се измери растојанието помеѓу зениците (PD)? 

Растојанието помеѓу Вашите очи се мери од центарот на зениците. Просечната вредност на ПД е во опсег од 54-74mm. Неопходно е да потражите од Вашиот оптичар да ви ја наведе оваа вредност по прегледот, бидејќи е можно таа да не се наоѓа на рецептот. Погледнете како сами да го измерите растојанието помеѓу зениците.

merenje pd razmak zenica

Ако вашиот оптометрист ја нема на рецептот назначено вредноста на вашето PD (растојанието помеѓу зениците) вредност можете да ја прочитате и во некој претходен рецепт, бидејќи оваа вредност не се менува со текот на времето, освен се разбира кај децата. 

Растојанието помеѓу зениците може да се одреди со помош на пријател или некој од семејството. Вашиот помошник треба да држи лењир точно пред Вашите очи и да го мери растојанието во mm од центарот на зеницата на едното око до центарот на зеницата на другото око. Погледот треба да го насочите право пред себе во оддалечен објект и да го смирите. Повторете го мерењето неколку пати да бидете сигурни во правилната вредност. Никогаш немојте напамет да ја одредувате Вашата PD вредност.

Запомнете, вие не сте должни да купите рамки на местото кадешто сте го извршиле прегледот. Купувањето преку интернет ви нуди голем број на заштеди заради смалените деловни  трошоци.

Како да ја изберете вистинската големина на рамките?

Како да ја изберете вистинската големина на рамките спрема лицето? Прочитајте понатаму за да дознаете како да изберете совршена големина на рамки, кои рамки најмногу одговараат на одреден тип на лице и што значат малите бројки на вашите очила.

Како да ги пронајдете соодветните рамки преку интернет?

Ако немате помош од оптичар при купувењето или ако немате можност да ги пробате очилата што сте ги забележале, купувањето преку интернет може да биде малку деликатно, но овој проблем лесно се решава.

Како да изберете рамки со исти димензии како вашите стари очила?

Сите рамки за очила имаат испечатени бројки за нивните димензии. Овие димензии обично можете да ги најдете на внатрешната страна на рачките.

oznake na okviru

Броевите што треба да ги побараме вообичаено се во серија од три броја, на пример, 53-17-140. Во овој текст можеме да ги претставиме овие броеви како „a-b-c“, заради поедноставно разбирање. Обично ќе видите мал правоаголник што ги одделува броевите „а“ и „b“, што помага да се олесни забележувањето.

Бројот од левата страна на правоаголникот, или „а“ во нашата низа, е ширината на стаклото. Тоа е должината на стаклото во нејзината најдолга точка, измерена во милиметри. Бројот десно од правоаголникот, или „b“ во нашата низа, е должината на мостот во милиметри. Овој број го претставува растојанието помеѓу двете стакла – тоа е делот што одговара на вашиот нос. Конечно, „c“ е должината на рачките на вашите очила. Овој број не е толку важен бидејќи рачките може да се издолжат или скратат колку што е потребно во секоја оптика.

Најважните броеви за избор на соодветна големина на рамките се „а“ и „b“. Само усогласете ги димензиите „а“ и „b“ од вашите стари очила со новата рамка и на тој начин ќе го имате истото искуство за носење како со досегашните очила. Дури и ако има мала разлика во димензиите, отстапувањето од 1-2 мм нема да направи забележителна разлика.

Овие мерки се достапни на нашата веб-страница. Сите рамки за очила, како и очилата за сонце на нашата веб-страница содржат мерки како што се ширина на стакло, ширина на мост, должина на рачки, ширина на рамка и висина на стакло, за да ви помогнат при изборот на очила.

dimenzije okvira

Како да измерите на себе која рамка совршено би ви одговарала?

Merenje sa lenjirom

Можеби прв пат купувате преку интернет и не сте сигурни како да си измерите на себе за рамка којашто совршено би ви одговарала. Се што ви треба е метар за мерење.

1. Застанете пред огледало и држете го линијарот во линија со вашите слепоочници.

2. Измерете го растојанието помеѓу вашите слепоочници во милиметри.

Сега кога го измеривте вашето лице, споредете ја ширината на рамката што ја сакате. Ова ќе биде збир од ширината на стаклото којашто штотуку ја претставивме со „a“ помножено со 2 (a * 2), плус ширината на мостот („b“ во нашиот пример). Големината на рамката може да отстапува до +4 mm од вашето мерење. Едноставно изберете рамка чија ширина е слична на ширината на вашето лице.

 

Која е точната ширина на рамката во однос на моето лице?

Merenje okvira

 

Има уште неколку работи што треба да се земат предвид при изборот на очила:

- Очилата треба да го надополнат вашиот тип на лице. Општо правило е да се направи контраст - обликот на рамката во однос на обликот на лицето.

- Ширината на вашата рамка не треба да биде поширока од вашето лице во слепоочниците.

- Горниот дел од вашата рамка не треба да биде над линијата на веѓите.

- Долниот раб на рамката не би требало да лежи на образите бидејќи така би започнала да ја трие вашата кожа што би можело да предизвика иритација.

Очила за возење EyeDrive стакла дизајнирани за возачи

Очилата со стакла за возење не само што овозможуваат релаксирачко возење, туку и значително ја зголемуваат неговата безбедност. Но, што треба да имаат предвид корисниците кога купуваат очила за возење?

 

Лошиот вид е еден од најголемите безбедносни ризици при возењето!

 

Очилата со стакла за возење се многу повеќе од моден додаток: тие ни помагаат помеѓу другото да гледаме подобро, да ја зголемиме безбедноста на патиштата, да ги релаксираме очите и да ги заштитиме од штетното зрачење.

Истражувањата покажаа дека многу возачи имаат проблем со слабиот вид. Тоа е една од главните причини за сообраќајни несреќи и ризик што секој возач лесно може да го намали. Редовните прегледи на очите кај офталмолог, и доколку е потребно, земање соодветни очила, се од суштинско значење за секој возач.

Секој пат кога возиме, нашите очи се соочуваат со тешки предизвици како што се лошата светлина, заслепувачка сончева светлина, магла, влажни и рефлектирачки патишта. Запомнете дека нашите очи треба да обрнат внимание и на другите возачи, знаци и информации. Сепак, вистинските очила можат да ги претворат долгите и чести возења во пријатни, и што е најважно, безбедни патувања.

Но, што ги прави идеалните очила за возење?

Иновација со голем потенцијал

Стакла за возење EyeDrive®

Технологијата EyeDrive® со технологијата Reflect Control е иновација споредлива со развојот на електричните автомобили во автомобилската индустрија. Овој нов сегмент е специјално дизајниран за да обезбеди свеж и јасен вид дење и ноќе - идеално решение за возачите на автомобили.

Кога очилата со антирефлексивни стакла ги достигнат своите граници, EyeDrive® е тука за да го покаже својството на исклучителна острина на видот, особено ноќе.

Eyedrive

EyeDrive® ИНОВАЦИЈА ЗА ДЕН И НОЌ

EyeDrive® го намалува отсјајот и обезбедува широко видно поле во сите зони – во текот на целиот ден и ноќе.

EyeDrive® е идеално стакло за луѓе коишто поминуваат многу време на пат: како совршен втор пар очила за возење или како прв пар за целодневна употреба, особено за новите носители. EyeDrive® е стакло што ќе ги воодушеви носителите со своите уникатни својства.

Reflect control

КОНТРОЛА НА РЕФЛЕКСИЈАТА - НОВ ПРЕСВРТ ВО ТЕХНОЛОГИЈАТА НА СТАКЛАТА ЗА ОЧИЛА

Reflect Control е нова технологија којашто се наоѓа во позадината на EyeDrive® стаклата. Тоа е единствена комбинација на доработка на стаклата и дизајнот на стаклата. Ја компензира иритацијата на очите предизвикана од ненадејна количина светлина што стигнува до окото и го подобрува контрастот. Ноќната рефлексија на стаклата EyeDrive® е 90% помала во споредба со органските стакла без антирефлексивен слој (индекс 1.6) и 57% помала во споредба со стаклата со антирефлексивен слој што моментално се достапни на пазарот.

refleksija svetla

TRANSITIONS® XTRACTIVE® ФОТОСЕНЗИТИВНИ СТАКЛА – ДУРИ И ПОЗАДИ ВЕТРОБРАНСКОТО СТАКЛО НА АВТОМОБИЛОТ

Transitions® XTRActive® се фотосензитивни стакла коишто потемнуваат зад шофершајбната на автомобилот. Transitions® XTRActive® технологијата совршено се прилагодува на светлосните услови и обезбедува потемнување на стаклата и зад шофершајбната на автомобилот (затемнување до 50%). *

Активирањето на стаклата обезбедува идеален вид при силна сончева светлина, како и во услови на слаба осветленост, како што се тунели или шумски области. Затоа, стаклата Transitions® XTRActive® го ослободуваат носителот од непрактичната промена на очилата зад ветробранското стакло, овозможувајќи му на возачот целосно да се концентрира на патот.

Transitions® XTRActive® се исто така совршено прилагодени за ноќно возење. Комбинирајќи оптимална заштита од отсјај ноќе и квалитетна заштита од сонце во текот на денот, тие се идеални стакла за сите луѓе коишто поминуваат многу време во автомобил.

 

* Затемнувањето на стаклата Transitions® XTRActive® зад шофершајбната зависи од неколку фактори како што се: обликот и наклонот на ветробранското стакло, својството на пропустливост, положбата на возачот, страничните прозорци.

 

КОРИСНИЦИ Бр. 1 - ПРОФЕСИОНАЛНИ ВОЗАЧИ

Овие корисници го користат автомобилот секој ден бидејќи е составен дел од нивните работни обврски, како на пр. претставници за продажба, таксисти, возачи на автобуси, возачи на камиони ... за нив, јасниот вид во текот на целиот ден е исклучително важен. Затоа овие корисници се идеални носители на EyeDrive® стаклата коишто им даваат висок степен на квалитетен вид, без оглед на периодот од денот, особено со Transitions XTRActive.

Како носителите на очилата го оценуваат квалитетот на нивниот вид? Овој дијаграм покажува како возачите го оценуваат квалитетот на нивниот вид, според тестовите спроведени од оптичари и офталмолози.

profesionalni vozaci

КОРИСНИЦИ Бр. 2 - АКТИВНИ ДЕЛОВНИ ЛУЃЕ

Модно ориентирани, социјално вмрежени, честопати во контакт со пријателите, постојано во движење. Сепак, тие се чувствуваат несигурно кога треба да возат во самрак или ноќе. Овој тип на корисник бара дополнителни очила за ноќно возење. Стаклата EyeDrive® им даваат свеж и остар вид во текот на целиот ден.

Какви дополнителни очила бараат? Овој дијаграм го покажува одговорот на прашањето: за која цел би сакале да имате дополнителен пар очила?

poslovni ljudi

КОРИСНИЦИ Бр. 3 - МЛАДИ ВОЗАЧИ

Тие се млади, неодамна носители на возачка дозвола, возачи на мотоцикли или автомобили. EyeDrive® станува совршено решение против почетничките грешки во возењето, добро забележување на знаците на патиштата, контролната табла на автомобилот како и ноќно возење без страв од непријатен отсјај.

Како младите луѓе кои не носат очила го оценуваат квалитетот на нивниот вид? Овој дијаграм покажува како младите возачи на мотоцикли го оценуваат квалитетот на нивниот вид, според истражувањата спроведени од оптичари и офталмолози.

maldi vozaci

 

Јавете ни се за цена.: 024 551 876

 

Изберете го совршениот пар очила за Вас со помош на виртуелно огледало

Виртуелното огледало ќе Ви помогне да најдете рамка која совршено одговара на Вашето лице. Со фантастичен реализам, пробајте каква било рамка со помош на камерата на Вашиот уред.

ПРОБАЈТЕ ГО НАШЕТО ВИРТУАЛНО ОГЛЕДАЛО

Најдете ги совршените очила без да ја напуштите удобноста на својот дом.

ЧЕКОР 1
Пребарајте ги нашите категории за да ги најдете очилата што Ви се допаѓаат.
Можете да филтрирате по стил, тип на рамка или материјал

ЧЕКОР 2
Откако ќе ги пронајдете очилата, едноставно кликнете на врската „Пробај за женско / машко“ за да го активирате виртуелното огледало.

ЧЕКОР 3
Користете видео мод (со веб камера) или поставете фотографија. Сега можете да ги пробате своите очила онлајн.

Под повеќето рамки ќе имате можност да го испробате нашето виртуелно огледало за да ги испробате очилата. Изборот помеѓу машко и женско ќе го промени моделот што се користи. Ако планирате да ја поставите Вашата фотографија или уште подобро, користете го нашиот видео мод со веб камера, во горниот лев агол ќе најдете мени за виртуелното огледало каде што можете лесно да се префрлате помеѓу модовите.

Кога ќе ја стартувате веб камерата или штом поставите фотографија, нашето виртуелно огледало ќе користи препознавање на лице за автоматски да ги детектира Вашите очи и да ја постави рамката на вистинското место на Вашата фотографија.

Кога ќе најдете рамка што ви се допаѓа, можете да ја зачувате фотографијата со рамката користејќи го менито за виртуелното огледало и да кликнете на „Зачувај слика“. Сега имате фотографија со рамката за да им покажете на пријателите и семејството.

Совет: штом направите селфи или пронајдете добро осветлена фотографија на главата и рамената во стил на портрет, идеална за употреба на виртуелното огледало, зачувајте ја на вашиот десктоп за идни посети.

virtuelno ogledalo

Совети за носењето на прогресивни очила

Секогаш штом правите нови очила, вашиот мозок треба да се навикне на новите стакла / очила. Општо земено, периодот на адаптација на прогресивните стакла може да варира од еден ден до три недели, на што влијаат неколку фактори:

- пропишаната диоптрија за далеку и блиско

- зголемување на вредноста на адицијата

- искуството со претходните стакла

Во случај на проблеми, не двоумете се да контактирате со вашиот оптичар. Тој со задоволство ќе одговори на сите ваши прашања или ќе ги прилагоди очилата доколку е потребно.

Што се прогресивните стакла и како функционираат?

saveti za progresivne naocare

Прогресивните стакла се најнапредното оптичко решение за вашите очи, бидејќи содржат неколку корективни области. Тие ви овозможуваат јасно да гледате на сите растојанија.

Подрачје за далеку

podrucje za daljinu

Кога гледате низ горниот дел од стаклата, ќе гледате многу удобно во далечина, на пример додека возите, додека гледате телевизија или филм во кино, или додека шетате во природа.

Средна зона

srednja zona

Средната зона или прогресивниот канал е средниот дел од стаклата каде што јачината на диоптријата се менува глатко и постепено до диоптријата за блиску. Ширината на подрачјето зависи од избраниот дизајн на стаклата. Иако е тоа најтесниот дел од стаклата, сепак ви овозможува јасно да гледате на средни растојанија, како што е компјутерскиот монитор или контролната табла на вашиот автомобил.

Подрачје за блиску

podrucje za blizinu

Подрачјето во долниот дел на стаклата е наменето за читање или гледање предмети од блиску. Во овој дел, јачината е најголема. Ви овозможува удобен вид и широко видно поле.

Периферни делови

periferna područja

Таканаречените периферни зони на прогресивни стакла се нејасни визуелни подрачја на делови од рабовите на стаклата. Невозможно е целосно да се елиминираат таквите подрачја, но нема да ви пречат ако ги следите препораките.

Препораки за подрачјето за далеку

Горниот дел од стаклата ви овозможува јасно да гледате на далеку.

Кога гледате далеку, бидете сигурни дека секогаш гледате низ горниот дел од стаклата. Се препорачува не само да ги свртите очите, туку и главата во правецот во којшто сакате да гледате.

Специјални совети за одење по скали

hodanje niz stepenice

Гледајте низ горниот дел од стаклата и спуштете ја брадата кон градите. Бидете сигурни дека го гледате секој чекор пред да зачекорите. Користете огради, особено на почетокот. Брзо ќе го добиете природното чувство за одење по скалите.

Совети за возење

saveti za voznju

Во зависност од централната гледна точка, ќе го користите или подрачјето за далеку или средната зона на вашите стакла.

Гледање на патот

Држете ги рацете во нормална положба и гледајте низ горниот дел од стаклата (подрачје за далеку).w

Гледање на контролната табла

Малку спуштете ја главата и гледајте низ средниот дел од вашите стакла, средната зона.

Ретровизори

Гледајте низ горниот дел од вашите стакла и свртете ја главата кон ретровизорот којшто сакате да ги користите.

Возење во рикверц

Користете го горниот дел од стаклата и свртете ја главата во насоката во којашто сакате да возите во рикверц. Веројатно ќе треба да ја свртите главата повеќе од порано.

Препораки за употреба на средната зона

Централниот дел на стаклата ќе ви помогне да се фокусирате на објекти на средна оддалеченост.

Тоа е растојание од половина до 1,5 метри. Ќе треба да ја спуштите или кренете брадата за да ја најдете најострата фокусна точка. Ако работите во канцеларија, ќе ја користите средната зона за да гледате во мониторот или во предметите на бирото.

Очила за канцеларија

naocare za kancelariju

Ако средната зона е премногу тесна за вас, ви препорачуваме да пробате канцелариски стакла коишто се специјално дизајнирани за непречено менување помеѓу блискиот опсег и средните растојанија. Тие нудат поширока средна област, поддржувајќи растојание до 4 м. Професионалците коишто сакаат највисока резолуција, контраст и визуелна перспектива ќе уживаат во придобивките од канцелариските стакла за очила.

Совети за користење на зоната за блиску

citanje blizina

Долниот дел од вашите стакла ќе ви помогне да се фокусирате на објекти што се блиску до вас. На пример книга, таблет, списание или весник.

Држете го материјалот за читање во добра положба (помеѓу 33 и 40 см од очите). Гледајте низ долниот дел на стаклата за да ја пронајдете најострата точка на фокусирање.

Специјални совети за читање

За да ја прочитате целата линија на еден текст, ќе биде потребно поместување на главата од една на друга страна.

Читање над нивото на очите

citanje iznad visine ociju

Секој пат кога сакате да погледнете нешто блиску, но над нивото на очите, погрижете се да ја кренете брадата доволно високо додека не ја најдете најострата точка на фокус. Ќе гледате низ средниот или долниот дел на стаклата, во зависност од тоа колку сте далеку од објектот.

Приспособување кон новите стакла за очила

Ќе потрае некое време додека се навикнете на новите стакла коишто се специјално создадени за периодот на адаптација да биде што е можно пократок. Следете ги инструкциите подолу за уште пократок процес на приспособување.

- Носете ги новите очила што е можно почесто. Ставањето и симнувањето на очилата ќе го забават периодот на приспособување. Особено во првите недели, важно е да ги носите цел ден.

- Не носете стари очила. Очите постојано ќе мора повторно да се рефокусираат што ќе предизвика замор.

- Секогаш движете ја главата во правецот на гледање, немојте само да ги движите очите.

- Ако не се чувствувате удобно и чувствувате главоболки по 2-4 недели носење, посетете оптичар и консултирајте се со него.

- Редовно посетувајте оптичар за да проверите дали рамката правилно се вклопува, особено ако сте се удриле во нешто. Ова ќе обезбеди најдобар можен вид.

Нови очила - во само четири чекори!
Icon  Glasses
1

ИЗБЕРЕТЕ РАМКА

Ние ви нудиме голем избор на диоптриски рамки. Во понудата имаме метални, пластични, поликарбонатни, титаниумски, силиконски рамки...

Icon  Document 0
2

ДИОПТРИСКИ НАОД

Испратете ни слика од вашиот диоптриски наод, или внесете ги вредностите од наодот при нарачувањето, а можете и да ни се јавите за совет!

Icon  Picker 0
3

ИЗБЕРЕТЕ СТАКЛА

Вградуваме монофокални, прогресивни и бифокални стакла - анти-рефлексни, фотосензитивни, Trivex ... Соработуваме со сите производители и нудиме најповолни цени.

Icon  Delivery
4

ИСПОРАКА НА ОЧИЛАТА

Очекувајте го курирот во следните неколку дена, и уживајте во носењето на новите очила!